រដ្ឋបាលខេត្តកំពង់ឆ្នាំង ជូនដំណឹង ស្តីពីកិច្ចប្រជុំផ្សព្វផ្សាយសេចក្តីប្រកាសកំណត់តំបន់វិនិច្ឆ័យ ភូមិចំនួន០៥ ស្រុកសាមគ្គីមានជ័យ
18-January-2020 | ដោយ ពលមនសិការ
កំពង់ឆ្នាំង៖ រដ្ឋបាលខេត្តកំពង់ឆ្នាំង ចេញសេចក្តីជូនដំណឹង ស្តីពីកិច្ចប្រជុំផ្សព្វផ្សាយសេចក្តីប្រកាសកំណត់តំបន់វិនិច្ឆ័យ សម្រាប់ការងារចុះបញ្ជីដីធ្លីមានលក្ខណៈជាប្រព័ន្ធ សម្រាប់ភូមិពារាជ្យ ភូមិខ្មាច ភូមិចំការស្វាយ ភូមិវត្តសេដ្ឋី ភូមិអង្គ្រង ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង។
អភិបាលខេត្តកំពង់ឆ្នាំង សូមជូនដំណឹងដល់សាធារណៈជន ព្រមទាំងគ្រប់មន្ទីរ អង្គភាព និងស្ថាប័ន ឬភ្នាក់ងារហិរញ្ញវត្ថុ ដែលមានការពាក់ព័ន្ធ នឹងក្បាលដីទាំងអស់ ស្ថិតក្នុងភូមិពារាជ្យ ភូមិខ្មាច ភូមិចំការស្វាយ ភូមិវត្តសេដ្ឋី ភូមិអង្គ្រង ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង ឱ្យបានជ្រាបថាៈ ដើម្បីអនុវត្តតាមខ្លឹមសារ នៃអនុក្រឹត្យខាងលើ គណៈកម្មការរដ្ឋបាលនឹងធ្វើការផ្សព្វផ្សាយសេចក្តីប្រកាសកំណត់តំបន់វិនិច្ឆ័យភូមិពារាជ្យ ភូមិខ្មាច ភូមិចំការស្វាយ ភូមិវត្តសេដ្ឋី ភូមិអង្គ្រង ជាតំបន់វិនិច្ឆ័យធ្វើការចុះបញ្ជីដីធ្លីមានលក្ខណៈជាប្រព័ន្ធ នៅថ្ងៃទី២០ ខែមករា ឆ្នាំ២០២០ វេលាម៉ោង ៨៖០០ព្រឹក នៅបរិវេណវត្តសេដ្ឋី ស្ថិតក្នុងភូមិវត្តសេដ្ឋី ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង។
សេចក្តីដូចបានជម្រាបជូនខាងលើ សូមសាធារណៈជន និងអង្គភាពពាក់ព័ន្ធនឹងក្បាលដីក្នុងតំបន់វិនិច្ឆ័យខាងលើមេត្តាចូលរួមស្ដាប់ការផ្សព្វផ្សាយសេចក្តីប្រកាសកំណត់តំបន់ធ្វើការវិនិច្ឆ័យ ការបំភ្លឺអំពីបញ្ហាច្បាប់ និងការឆ្លើយរាល់សំណួរទាក់ទងនឹងការវិនិច្ឆ័យតាមពេលវេលា និងទីកន្លែងដូចបានជម្រាបជូនខាងលើអោយបានគ្រប់ៗគ្នា កុំបីអាក់ខានឡើយ។
ទទួលបានសេចក្តីជូនដំណឹងនេះ រដ្ឋបាលខេត្តកំពង់ឆ្នាំង សង្ឃឹមយ៉ាងមុតមាំថា សាធារណៈជន និងអង្គភាពពាក់ព័ន្ធនឹងក្បាលដីក្នុងតំបន់វិនិច្ឆ័យខាងលើ នឹងឆ្លៀតឱកាសដើម្បីចូលរួមបំពេញកាតព្វកិច្ចរបស់ខ្លួន ពាក់ព័ន្ធការចុះបញ្ជីដីធ្លីមានលក្ខណៈជាប្រព័ន្ធយ៉ាងផុសផុលជាមិនខាន ៕
ចំនួនអ្នកទស្សនា
- ថ្ងៃនេះ9381
- ម្សិលមិញ15681
- សប្តាហ៍នេះ68221
- ខែនេះ90101
- ឆ្នាំនេះ90101
- សរុប20532557